把握最后机会! 筑地 市场内外 7 大食店

收藏:620

日本有关报导指,因为各种问题,筑地 市场原定 11 月 7 日搬迁的计划应该会搁置,豊州新场真正可以面世的日期,可能会延后到 2017 年5、6月,换言之,大家又多了时间去 筑地 市场觅食了!现在马上和大家推荐 7 大必食!

把握最后机会 筑地 市场内外 7 大食店

把握最后机会! 筑地 市场内外 7 大食店

1.争崩头「师傅发办」寿司店!寿司大

「寿司大」被食容形容为能感动人心嘅寿司店,其「师傅发办」嘅寿司套餐吸引唔少来自世界各地嘅游人,每到 筑地 门口例必一条长龙!唔少食客仲凌晨两、三点开始排队,名气迫人!

把握最后机会! 筑地 市场内外 7 大食店 寿司大

地址:筑地市场内 6号馆

营业时间:5:00 am-4:00pm

2.与寿司大叮噹马头的寿司店!大和寿司

讲到争崩头嘅寿司店,同寿司大叮噹马头嘅一定係大和寿司!同样以「师傅发办」为主打,唔少食家都大讚!

把握最后机会! 筑地 市场内外 7 大食店 把握最后机会! 筑地 市场内外 7 大食店 大和寿司

地址:筑地市场内 6号馆

营业时间:5:30 am-1:30 pm

3.炸海鲜拼盘!叉烧双蛋饭!とんかつ八千代

筑地 唔食寿司仲有乜食?呢间炸物店同样大排长龙!唔少食家专诚嚟食佢嘅炸海鲜拼盘同叉烧双蛋饭。见到咁多人喺门口排队,宁弃刺身饭都要食佢哋嘅料理,就知做得有几出色!想感受筑地不一样嘅料理,不妨去试吓!

把握最后机会! 筑地 市场内外 7 大食店

とんかつ 八千代 (やちよ)

地址:筑地市场内 6号馆

营业时间:5:00 am-1:00pm

4.一定要嚟食!大定玉子烧

筑地 除咗寿司,仲有唔少人锺意嚟食玉子烧,而大定玉子烧大家都一定听过啦!原来大定玉子烧有差唔多80年历史,仲要啲玉子烧係新鲜出炉,所以食玉子烧一定要嚟食呢间呀!

把握最后机会! 筑地 市场内外 7 大食店

大定本店/市场内支店

地址:东京都中央区筑地4-13-11 /鱼がし横丁7号馆

营业时间:4:00 am-3:00 pm

筑地 场外简介:

邻近 筑地 市场嘅商店街就係「场外」範围,以招待观光客同当地上班族为主,呢道嘅餐厅种类比「场内」可谓更多元化!水产餐厅、和食店、洋食店、拉麵店都有,一应俱全,有400间餐厅畀你慢慢选择,实有间啱你心水!有选择困难症嘅朋友唔洗担心,我哋亦于云云餐厅中拣咗几间畀你哋参考参考:

5.百年寿司老店!寿司清

喺日本有22间分店,本来于1889年起于「场内」经营,但经关东大地震后搬到「场外」,于「场外」嘅本店地方较阔落、舒服!位于筑地嘅本店可算係百年老店,一场嚟到筑地,点都要感受下百年老店嘅威力!

把握最后机会! 筑地 市场内外 7 大食店

寿司清 筑地本店

地址:东京都中央区筑地场外4丁目13番9号

营业时间:星一至日(8:30am-2:00pm及5:00至8:00pm)、星期三休息

6.一千円鲔鱼「面猪灯」饭!筑地どんぶり市场

鲔鱼就食得多,烧鲔鱼面颊饭就真係未食过,网上食家形容为「像牛扒一样的鱼」,有牛扒嘅味道却有鱼肉嘅细腻感,无筋无渣,啱哂怕食生鱼嘅朋友!

把握最后机会! 筑地 市场内外 7 大食店 筑地どんぶり市场

地址:东京都中央区筑地场外4丁目9番5号

营业时间:星期一至六24小时营业,星期日及公众假期休息

7.手信玉子烧 口味多选择!松露玉子烧

松露玉子烧虽然无大定历史悠久,但係喺筑地都好出名唔少人会嚟排队食㗎!松露玉子烧口味有好多,例如有樱花虾、鸡肉、纪州梅同海苔都有,当然有佢地出名嘅招牌松露玉子烧啦!松露玉子烧仲有包装好嘅玉子烧买,虽然无新鲜出炉嘅玉子烧,热辣辣啦好食,但係都不失为手信嘅好选择!

把握最后机会! 筑地 市场内外 7 大食店

松露玉子烧

地址:东京都中央区筑地 4-13-13

营业时间:4:00 am-1:00 pm